मी एका मुलासोबत सुरतला निघालेय… त्वचेच्या उपचारासाठी छ. संभाजीनगरला आलेल्या मुलीने बसस्थानकावरूनच आईला सांगितले!

By City News Desk

On 15 Jul 2025

मी एका मुलासोबत सुरतला निघालेय… त्वचेच्या उपचारासाठी छ. संभाजीनगरला आलेल्या मुलीने बसस्थानकावरूनच आईला सांगितले!

छत्रपती संभाजीनगर (सीएससीएन वृत्तसेवा) : त्‍वचेच्या उपचारासाठी वाशिम जिल्ह्यातून छत्रपती संभाजीनगरला आलेली १७ वर्षीय मुलगी बसस्थानकावर टॉयलेटला जाते असे आईला सांगून गेली आणि गायब झाली. आईने कॉल केला असता मी मुलासोबत सुरतच्या बसमध्ये बसली आहे, असे तिने सांगितले. तिच्या आईने क्रांती चौक पोलीस ठाण्यात मुलीच्या अपहरणाची तक्रार रविवारी (१३ जुलै) नोंदवली असून, पोलीस तिचा शोध […]

छत्रपती संभाजीनगर (सीएससीएन वृत्तसेवा) : त्‍वचेच्या उपचारासाठी वाशिम जिल्ह्यातून छत्रपती संभाजीनगरला आलेली १७ वर्षीय मुलगी बसस्थानकावर टॉयलेटला जाते असे आईला सांगून गेली आणि गायब झाली. आईने कॉल केला असता मी मुलासोबत सुरतच्या बसमध्ये बसली आहे, असे तिने सांगितले. तिच्या आईने क्रांती चौक पोलीस ठाण्यात मुलीच्या अपहरणाची तक्रार रविवारी (१३ जुलै) नोंदवली असून, पोलीस तिचा शोध घेत आहेत.

३२ वर्षीय महिलेने या प्रकरणात तक्रार दिली आहे. त्‍या वाशिम जिल्ह्यातील मंगरुळपीर तालुक्‍यातील वनोजा येथे राहतात. त्‍या १७ वर्षीय मुलीला घेऊन त्वचेच्या उपचारासाठी शनिवारी (१२ जुलै) संध्याकाळी पाचला छत्रपती संभाजीनगरला आल्या होत्‍या. मध्यवर्ती बसस्थानकावर मुलीने टॉयलेटमध्ये जाऊन येते, असे सांगून गेली. खूप वेळ झाल्यानंतरही ती परतली नाही. त्यामुळे महिलेने तिचा टॉयलेटमध्ये व आजूबाजूला शोध घेतला. मात्र ती मिळून आली नाही. तिला कॉल केला असता तिने सांगितले, की मी एका मुलासोबत सूरतच्या बसमध्ये बसले आहे. महिलेला वाटले की ती खोटे बोलत असावी. त्‍यामुळे महिला गावी परत गेली. मात्र तिथेही ती आलेली नव्हती. तिला कोणीतरी पळवून नेले आहे, असे तक्रारीत म्‍हटले आहे. अधिक तपास सहायक पोलीस उपनिरीक्षक रमेश कांदे करत आहेत.