चोरांनी देवालाही नाही सोडले… मील कॉर्नरच्या घटनेत ‘नियम पाळून’ चोरी!

By City News Desk

On 15 Jul 2025

चोरांनी देवालाही नाही सोडले… मील कॉर्नरच्या घटनेत ‘नियम पाळून’ चोरी!

छत्रपती संभाजीनगर (सीएससीएन वृत्तसेवा) : चोर मंदिराजवळील मोठ्या इमारतीचा आधार घेत गच्चीवरून मंदिरात शिरला. दानपेटी कटरने कापून हजारो रुपयांची रक्‍कम लंपास केली. मंदिरात जाण्याआधी चोराने पाण्याच्या टाकीजवळ चप्पल काढून ठेवली. ही घटना शनिवारी (१२ जुलै) पहाटे सव्वाच्या सुमारास मिल कॉर्नर परिसरात घडली. श्री हनुमान मंदिर ट्रस्टचे महादेव मंदिर असून, ११ जुलैला रात्री नेहमीप्रमाणे हरिपाठ घेऊन […]

छत्रपती संभाजीनगर (सीएससीएन वृत्तसेवा) : चोर मंदिराजवळील मोठ्या इमारतीचा आधार घेत गच्चीवरून मंदिरात शिरला. दानपेटी कटरने कापून हजारो रुपयांची रक्‍कम लंपास केली. मंदिरात जाण्याआधी चोराने पाण्याच्या टाकीजवळ चप्पल काढून ठेवली. ही घटना शनिवारी (१२ जुलै) पहाटे सव्वाच्या सुमारास मिल कॉर्नर परिसरात घडली.

श्री हनुमान मंदिर ट्रस्टचे महादेव मंदिर असून, ११ जुलैला रात्री नेहमीप्रमाणे हरिपाठ घेऊन महिला साडेदहाला घरी गेल्या. १२ जुलैला सकाळी रुख्मिणी दसपुते या मंदिरात पूजेसाठी आल्या असता, त्यांना मंदिराचे लॉक तुटलेले दिसले. त्यांनी तत्काळ मंदिराचे विश्वस्त अनिल मकरिये व प्रतीक कोल्हे यांना कळवले. चोराने मंदिरात शिरल्यानंतर कुलूप तोडून मुख्य गाभाऱ्यातील दानपेटी उचलली आणि मंदिरामागे नेली. तिने त्याने ती कटरने कापली. रविवारी याप्रकरणी क्रांतीचौक पोलिसांनी गुन्हा दाखल करून तपास सुरू केला आहे.

वडवाळीचे बालाजी मंदिर फोडले…
पैठण तालुक्यातील वडवाळी येथील प्रसिद्ध बालाजी मंदिरातील दानपेटी फोडून चोरट्यांनी रविवारी (१३ जुलै) रात्री ३० हजार रुपये लंपास केले. ही घटना सोमवारी (१४ जुलै) पहाटे साडेपाचला समोर आली. पैठण पोलिसांनी चोरट्यांविरुद्ध गुन्हा दाखल केला आहे. परसराम खोपडे (वय ३८) यांनी चोरीची तक्रार केली.