सिडको टाऊन सेंटरमधील अलिशान हॉटेल द लिफमध्ये जुगार अड्डा; ६ प्रतिष्ठित जुगाऱ्यांना पकडले

By City News Desk

On 14 Jul 2025

सिडको टाऊन सेंटरमधील अलिशान हॉटेल द लिफमध्ये जुगार अड्डा; ६ प्रतिष्ठित जुगाऱ्यांना पकडले

छत्रपती संभाजीनगर (सीएससीएन वृत्तसेवा) : सध्या शहर गुन्हे शाखेने जुगार अड्ड्यांवर मोठ्या प्रमाणावर छापेमारी सुरू केली आहे. राजकारणी असो, की व्यापारी कुणालाही सोडले जात नसल्याने प्रतिष्ठित जुगाऱ्यांचे धाबे दणाणले आहेत. रविवारी (१३ जुलै) सायंकाळी सिडको टाऊन सेंटरमधील द लीफ या अलिशान हॉटेलमध्ये सुरू असलेल्या जुगार अड्ड्यावर पोलिसांनी छापा मारला आणि ६ जुगाऱ्यांना ताब्‍यात घेतले. या […]

छत्रपती संभाजीनगर (सीएससीएन वृत्तसेवा) : सध्या शहर गुन्हे शाखेने जुगार अड्ड्यांवर मोठ्या प्रमाणावर छापेमारी सुरू केली आहे. राजकारणी असो, की व्यापारी कुणालाही सोडले जात नसल्याने प्रतिष्ठित जुगाऱ्यांचे धाबे दणाणले आहेत. रविवारी (१३ जुलै) सायंकाळी सिडको टाऊन सेंटरमधील द लीफ या अलिशान हॉटेलमध्ये सुरू असलेल्या जुगार अड्ड्यावर पोलिसांनी छापा मारला आणि ६ जुगाऱ्यांना ताब्‍यात घेतले. या कारवाईने खळबळ उडाली आहे.

व्यापारी श्रीकांत मुरलीधर तोतला (वय ४७, रा. मंजीतनगर), किशोर रामसुख चांडक (वय ६५, रा. अहिंसानगर), प्रशांत रामदास मंत्री (वय ५०, रा. विद्यानगर, सेव्हन हिल), उमेश ब्रिजलाल काबरा (वय ५७, एन ४ सिडको), अशोक झुंबरलाल जैन (वय ५९, रा. पानदरीबा खाराकुंआ), द्वारकादास सत्यनारायन साबू (वय ६१, रा. श्रेयनगर उस्मानपुरा) अशी पकडण्यात आलेल्या प्रतिष्ठित जुगाऱ्यांची नावे आहेत. त्यांच्याविरुद्ध पोलीस अंमलदार शैलेश आस्कर यांनी त्‍यांच्याविरुद्ध तक्रार दिल्याने सिडको पोलिसांनी गुन्हा दाखल केला आहे. या ठिकाणावरून मोबाइल आणि रोख रक्‍कम असा एकूण १ लाख २१ हजार ७५० रुपयांचा मुद्देमाल जप्त करण्यात आला आहे. पोलीस उपनिरीक्षक नवनाथ पाटवदरकर यांच्या पथकाने ही कामगिरी केली. त्‍यांना कळले, की हॉटेल द लिफच्या रूम नं. १०१ मध्ये काही जण पत्त्यावर पैसे लावून जुगार खेळत आहेत. ही माहिती त्‍यांनी वरिष्ठांना दिली. त्‍यांनी लगेचच कारवाईचे आदेश दिल्याने पथक द लिफ हॉटेलवर धडकले. पोलिसांना पाहून प्रतिष्ठित जुगाऱ्यांनी पळापळ सुरू केली.