बॉल काढायला बोगीवर चढलेला १० वर्षांचा मुलगा वीजे तारेला चिकटला, मृत्‍यू, रेल्वेस्टेशन परिसरातील दुर्दैवी घटना

By City News Desk

On 14 Jul 2025

बॉल काढायला बोगीवर चढलेला १० वर्षांचा मुलगा वीजे तारेला चिकटला, मृत्‍यू, रेल्वेस्टेशन परिसरातील दुर्दैवी घटना

छत्रपती संभाजीनगर (सीएससीएन वृत्तसेवा) : क्रिकेट खेळताना बॉल मालवाहतुकीच्या रेल्वे बोगीवर अडकला. तो काढण्यासाठी १० वर्षीय मुलगा बोगीवर चढला आणि त्‍याला विजेचा शॉक लागून मृत्‍यूमुखी पडला. ही घटना रेल्वेस्टेशन परिसरात घडली. गुरुवारी (१० जुलै) शॉक लागला होता, उपचारादरम्यान रविवारी (१३ जुलै) मृत्यू झाला. अयान सलीम शेख (वय १०, रा. सादातनगर) असे मृत्‍यू झालेल्या मुलाचे नाव […]

छत्रपती संभाजीनगर (सीएससीएन वृत्तसेवा) : क्रिकेट खेळताना बॉल मालवाहतुकीच्या रेल्वे बोगीवर अडकला. तो काढण्यासाठी १० वर्षीय मुलगा बोगीवर चढला आणि त्‍याला विजेचा शॉक लागून मृत्‍यूमुखी पडला. ही घटना रेल्वेस्टेशन परिसरात घडली. गुरुवारी (१० जुलै) शॉक लागला होता, उपचारादरम्यान रविवारी (१३ जुलै) मृत्यू झाला.

अयान सलीम शेख (वय १०, रा. सादातनगर) असे मृत्‍यू झालेल्या मुलाचे नाव आहे. तो मित्रांसह रेल्वेस्टेशनच्या बीड बायपासकडील गेटच्या आवारात क्रिकेट खेळत होता. खेळताना त्यांचा बॉल रेल्वेस्टेशनच्या आत उभ्या असलेल्या रेल्वे बोगीवर अडकला. ही सर्व मुले रेल्वेस्टेशनच्या आवारात आल्यावर त्‍यांनी चेंडू काढण्यासाठी अयानला पाठवले. अयान बोगीवर चढताच त्याला विजेच्या तारेचा शॉक लागला. काही काळ चिटकून भाजला गेला आणि जोरात फेकला गेला. या घटनेमुळे घाबरलेल्या मुलांनी घरी धाव घेत हा प्रकार सांगितला. नागरिकांनी तातडीने धावून परिसरात शोध घेत अयानला घाटी रुग्णालयात नेले. रविवारी उपचारादरम्यान त्याचा मृत्यू झाला.