युवतीने बाथरूममध्येच घेतला गळफास, जिन्सी परिसरातील घटना, वाळूज MIDC त तरुणाची आत्‍महत्‍या

By City News Desk

On 14 Jul 2025

युवतीने बाथरूममध्येच घेतला गळफास, जिन्सी परिसरातील घटना, वाळूज MIDC त तरुणाची आत्‍महत्‍या

छत्रपती संभाजीनगर (सीएससीएन वृत्तसेवा) : छत्रपती संभाजीनगर शहरातील जिन्सी पोलीस ठाण्याच्या हद्दीतील संजयनगरात ३५ वर्षीय युवतीने बाथरूममध्येच गळफास घेऊन आत्‍महत्‍या केली. ही घटना रविवारी (१३ जुलै) सकाळी सातला घडली. सुवर्णा राजू हिवाळे असे या तरुणीचे नाव आहे. तीआई, वडील, दोन भाऊ, दोन बहिणींसह संजयनगरात राहत होती. अंघोळीसाठी बाथरूममध्ये जाऊन तिने गळफास घेतला. बराच वेळ होऊनही […]

छत्रपती संभाजीनगर (सीएससीएन वृत्तसेवा) : छत्रपती संभाजीनगर शहरातील जिन्सी पोलीस ठाण्याच्या हद्दीतील संजयनगरात ३५ वर्षीय युवतीने बाथरूममध्येच गळफास घेऊन आत्‍महत्‍या केली. ही घटना रविवारी (१३ जुलै) सकाळी सातला घडली.

सुवर्णा राजू हिवाळे असे या तरुणीचे नाव आहे. तीआई, वडील, दोन भाऊ, दोन बहिणींसह संजयनगरात राहत होती. अंघोळीसाठी बाथरूममध्ये जाऊन तिने गळफास घेतला. बराच वेळ होऊनही बाहेर न आल्याने संशयाची पाल चुकचुकल्याने बहिणीने दार लोटून पाहिले असता सुवर्णाने गळफास घेतल्याचे दिसले. जिन्सी पोलिसांनी घटनास्थळी येऊन पंचनामा केला. या प्रकरणी आकस्मिक मृत्यूची नोंद करून तिच्या आत्‍महत्‍येचे कारण शोधले जात आहे.

दुसऱ्या घटनेत वाळूज एमआयडीसी परिसरातील बजाजनगर येथे संकेत विठ्ठल मानेकर (वय २४) याने आर्थिक अडचणीतून राहत्‍या घरात गळफास घेऊन आत्महत्या केली. ही घटना शनिवारी (१२ जुलै) सकाळी समोर आली. संकेत विधवा आईसह बजाजनगरात किरायाने राहत होता. बीसीएपर्यंत त्याचे शिक्षण झाले होते. मात्र, कामधंदा मिळत नसल्याने तो आर्थिक अडचणीत सापडला होता. यातूनच त्‍याने आत्‍महत्‍या केल्याचे समोर येत आहे. अधिक तपास वाळूज एमआयडीसी पोलीस करत आहेत.