रांजणगाव शेणपुंजीत वाळूज MIDC पोलिसांची मोठी कारवाई!; बुग्‍गी जुगारअड्ड्यावर छापा, २ महिलांसह १४ जण पकडले !!

By City News Desk

On 13 Jul 2025

रांजणगाव शेणपुंजीत वाळूज MIDC पोलिसांची मोठी कारवाई!; बुग्‍गी जुगारअड्ड्यावर छापा, २ महिलांसह १४ जण पकडले !!

छत्रपती संभाजीनगर (सीएससीएन वृत्तसेवा) : वाळूज एमआयडीसीतील रांजणगाव शेणपुंजीत वाळूज एमआयडीसी पोलिसांनी मोठी कारवाई करत बुग्‍गी जुगार अड्ड्यावर शनिवारी (११ जुलै) रात्री साडेसातला छापा मारला. या ठिकाणी दोन महिलांसह १४ जण पकडण्यात आले. या महिला आणि त्‍यांचे दोन साथीदार हे ए वन चिकन शॉपच्या बाजूला जुगार अड्डा चालवत होते. १२ जणांना या ठिकाणी जुगार खेळताना […]

छत्रपती संभाजीनगर (सीएससीएन वृत्तसेवा) : वाळूज एमआयडीसीतील रांजणगाव शेणपुंजीत वाळूज एमआयडीसी पोलिसांनी मोठी कारवाई करत बुग्‍गी जुगार अड्ड्यावर शनिवारी (११ जुलै) रात्री साडेसातला छापा मारला. या ठिकाणी दोन महिलांसह १४ जण पकडण्यात आले. या महिला आणि त्‍यांचे दोन साथीदार हे ए वन चिकन शॉपच्या बाजूला जुगार अड्डा चालवत होते. १२ जणांना या ठिकाणी जुगार खेळताना पकडण्यात आले.

विद्या धरम काळे, रोहिणी राजू काळे (दोघी रा. ए वन चिकन शॉपजवळ, रांजणगाव शेणपुंजी), अजय साजन पिंपळे (वय ३०,रा. ए वन चिकन शॉपजवळ, रांजणगाव शेणपुंजी), शुभम अनिल काळे (वय २९, रा. गणेशनगर ता. राहता जि. अहिल्यानगर) हे जुगार खेळवत होते, तर जुगार खेळणाऱ्यांत इंदल राम राठोड (वय ४१, रा. दत्तनगर, रांजणगाव शेणपुंजी), दर्शन राजेंद्र देडे (वय २०, रा. बापूनगर रांजणगाव शेणपुंजी), तुकाराम सखाराम मोरे (वय ४०, रा. माळीगल्ली, सवई यांचे घरी किरायाने रांजणगाव शेणपुंजी), रमेश देवराव राठोड (वय २३, रा. राममंदिराशेजारी रांजणगाव शेणपुंजी), संतोष राधाकिसन शिंदे (वय २२, रा. दत्तनगर फाटा, रांजणगाव शेणपुंजी), शिवाजी शामराव रगडे (वय २३, रा. सावता माळी मंदिराजवळ, रांजणगाव शेणपुंजी), रविशंकर गुलाबराव कदम वय २९, रा. लक्ष्मी माता मंदिराजवळ, रांजणगाव शेणपुंजी), गणेश शिराळे (रा. राममंदिराशेजारी, रामनगर, रांजणगाव शेणपुंजी) अशी जुगार खेळणाऱ्यांची नावे आहेत. अधिक तपास पोलीस अंमलदार जालिंदर रंधे करत आहेत.