State News : ७३ वर्षांच्या वृद्धाने हद्दच केली!; खासगी क्लिनिकमध्ये २७ वर्षीय रिसेप्शनिस्ट तरुणीकडे धक्कादायक मागणी

By City News Desk

On 07 Jul 2025

State News : ७३ वर्षांच्या वृद्धाने हद्दच केली!; खासगी क्लिनिकमध्ये २७ वर्षीय रिसेप्शनिस्ट तरुणीकडे धक्कादायक मागणी

पुणे (सीएससीएन वृत्तसेवा) : विश्रामबाग रोड परिसरातील एका खासगी क्लिनिकमध्ये काम करणाऱ्या २७ वर्षीय रिसेप्शनिस्ट तरुणीचा विनयभंग केल्याप्रकरणी गुन्हा दाखल करण्यात आला आहे. ७३ वर्षीय वृद्धाने एकट्या असलेल्या तरुणीशी अश्लील वर्तन करत तिच्यावर मानसिक दबाव आणल्याचा आरोप तरुणीने केला आहे. याप्रकरणी विश्रामबाग पोलिसांनी गुन्हा दाखल केला असून, आरोपीस अटक करण्यात आली आहे. ही घटना ३ […]

पुणे (सीएससीएन वृत्तसेवा) : विश्रामबाग रोड परिसरातील एका खासगी क्लिनिकमध्ये काम करणाऱ्या २७ वर्षीय रिसेप्शनिस्ट तरुणीचा विनयभंग केल्याप्रकरणी गुन्हा दाखल करण्यात आला आहे. ७३ वर्षीय वृद्धाने एकट्या असलेल्या तरुणीशी अश्लील वर्तन करत तिच्यावर मानसिक दबाव आणल्याचा आरोप तरुणीने केला आहे. याप्रकरणी विश्रामबाग पोलिसांनी गुन्हा दाखल केला असून, आरोपीस अटक करण्यात आली आहे. ही घटना ३ जुलैला सायंकाळी सातच्या सुमारास घडली.

क्लिनिकमध्ये ७३ वर्षीय सुरेशचंद चोरडिया नावाचा वृद्ध रुग्ण म्हणून आला होता. क्लिनिकमध्ये त्या दिवशी रिसेप्शनवर एकटीच तरुणी उपस्थित होती. ही संधी साधत त्याने तिच्याशी अश्लील वर्तन सुरू केले. त्याने अचानक रिसेप्शनिस्टच्या गालाला हात लावत पप्पी दे अशी मागणी केली. यानंतर खिशाकडे हात दाखवत म्हणाला, माझ्याकडे पैसे आहेत, तुला हॉटेलमध्ये जेवायला घेऊन जातो, तुला जे हवे ते मी देतो; पण तू मला पाहिजे ते कर. या प्रकारामुळे घाबरलेल्या तरुणीने तत्काळ क्लिनिक सोडले आणि बाहेर पळ काढला. मात्र, त्याने तिचा पाठलाग करत, उद्या क्लिनिकमध्ये आहेस का? असा परत प्रश्न केला. या संपूर्ण प्रकारामुळे मानसिक तणावात आलेल्या तरुणीने अखेर विश्रामबाग पोलीस ठाण्यात धाव घेत तक्रार दाखल केली. तिच्या तक्रारीवरून पोलिसांनी सुरेशचंद चोरडिया याच्याविरुद्ध गुन्हा दाखल केला आहे.