GOOD NEWS : छ. संभाजीनगरमध्ये ८ वी MIDC लवकरच, वाळूजजवळच्या आरापूरमध्ये १,७८८ एकरांत नवी उद्योगनगरी साकारणार

By City News Desk

On 12 Jun 2025

GOOD NEWS : छ. संभाजीनगरमध्ये ८ वी MIDC लवकरच, वाळूजजवळच्या आरापूरमध्ये १,७८८ एकरांत नवी उद्योगनगरी साकारणार

छत्रपती संभाजीनगर (सीएससीएन वृत्तसेवा) : वाळूज, शेंद्रा, रेल्वेस्टेशन, चिकलठाणा, बिडकीन, चितेगाव, पैठण या एमआयडीसीनंतर आता छत्रपती संभाजीनगर जिल्ह्यात लवकरच आठवी एमआयडीसी होत आहे. गंगापूर तालुक्‍यात मात्र वाळूजजवळ असलेल्या आरापूर, गवळीशिवरा आणि सुलतानबाद ही गावे आठवी एमआयडीसी म्‍हणून उदयाला येणार आहेत. तिथल्या १ हजार ७८८ एकरांत ही नवी उद्योगनगरी साकारली जाणार असून, शासनाने त्‍यादृष्टीने गतीने पावले […]

छत्रपती संभाजीनगर (सीएससीएन वृत्तसेवा) : वाळूज, शेंद्रा, रेल्वेस्टेशन, चिकलठाणा, बिडकीन, चितेगाव, पैठण या एमआयडीसीनंतर आता छत्रपती संभाजीनगर जिल्ह्यात लवकरच आठवी एमआयडीसी होत आहे. गंगापूर तालुक्‍यात मात्र वाळूजजवळ असलेल्या आरापूर, गवळीशिवरा आणि सुलतानबाद ही गावे आठवी एमआयडीसी म्‍हणून उदयाला येणार आहेत. तिथल्या १ हजार ७८८ एकरांत ही नवी उद्योगनगरी साकारली जाणार असून, शासनाने त्‍यादृष्टीने गतीने पावले उचलायला सुरुवात केली आहे.

आरापूर येथे प्रस्तावित एमआयडीसीसाठी ७५१ हेक्‍टर जमीन सूचित केली आहे. या नवीन एमआयडीसीला थेट समृद्धी महामार्ग, धुळे-सोलापूर हायवेची कनेक्‍टव्हिटी मिळणार आहे. वाळूज एमआयडीसी आता पूर्णपणे विकसित झाली आहे. नवीन उद्योग, तरुणांना रोजगार संधी देण्यासाठी नवीन आठवी एमआयडीसी लाभदायी ठरणार आहे. आरापूरमधील १६९ हेक्‍टर जमीन, गवळी शिवरा ४०५ हेक्टर जमीन, सुलतानबादमधील १७७ हेक्टर व इतर ९ हेक्टर मिळून ७५१ हेक्टर जमीन औद्योगिक क्षेत्र म्हणून जाहीर केल्याचे राजपत्र शासनाने प्रसिद्ध केले आहे. वाळूज एमआयडीसीत दीड हजारच्या आसपास लघु, मध्यम आणि मोठे उद्योग असून, जवळपास १३,००० एकरांवर औद्योगिक क्षेत्र विस्तारलेले आहे. ऑटोमोबाइल, फार्मास्युटिकल्स, अभियांत्रिकी, इलेक्ट्रॉनिक्स, प्लास्टिक, अन्न प्रक्रिया आदी उद्योग वाळूज एमआयडीसीत आहेत.