वाळूज MIDC तील सिद्धेश्वर इंटरप्रायजेस कंपनीत ९ लाखांची चोरी

By City News Desk

On 21 Jul 2024

वाळूज MIDC तील सिद्धेश्वर इंटरप्रायजेस कंपनीत ९ लाखांची चोरी

छत्रपती संभाजीनगर (सीएससीएन वृत्तसेवा) : वाळूज एमआयडीसीतील वडगाव कोल्हाटी येथील सिध्देश्वर इंटरप्रायजेस कंपनीत चोरट्यांनी मोठा डल्ला मारला आहे. ८ लाख ८३ हजार रुपयांचे साहित्य चोरीला गेले असून, कंपनीच्या मॅनेजरच्या तक्रारीवरून वाळूज एमआयडीसी पोलिसांनी चोरट्यांविरुद्ध शुक्रवारी (१९ जुलै) गुन्हा दाखल केला आहे. महेश अनिल राठोड (वय ३१, नाईकनगर, बीडबायपास) यांनी या प्रकरणात तक्रार दिली आहे. ते […]

छत्रपती संभाजीनगर (सीएससीएन वृत्तसेवा) : वाळूज एमआयडीसीतील वडगाव कोल्हाटी येथील सिध्देश्वर इंटरप्रायजेस कंपनीत चोरट्यांनी मोठा डल्ला मारला आहे. ८ लाख ८३ हजार रुपयांचे साहित्य चोरीला गेले असून, कंपनीच्या मॅनेजरच्या तक्रारीवरून वाळूज एमआयडीसी पोलिसांनी चोरट्यांविरुद्ध शुक्रवारी (१९ जुलै) गुन्हा दाखल केला आहे.

महेश अनिल राठोड (वय ३१, नाईकनगर, बीडबायपास) यांनी या प्रकरणात तक्रार दिली आहे. ते सिध्देश्वर इंटरप्रायजेसमध्ये एक वर्षापासून मॅनेजर आहेत. त्यांच्या कंपनीत कॉपरचे केबल हे प्रोसेस करून परत ऑर्डरप्रमाणे तयार करून त्‍या त्‍या कंपन्यांना ऑर्डरनुसार पाठवले जातात. १३ जुलैला सायंकाळी साडेपाचला त्‍यांनी कंपनीचे कामकाज संपल्यावर मेन शटर बंद करून लॉक केले. १४ जुलैला सकाळी साडेआठला आले असता चोरी झाल्याचे समोर आले. चोरट्यांनी खिडकीचे गज तोडून आत शिरून ८ लाख ८३ हजार रुपयांचे साहित्य चोरून नेल्याचे त्‍यांच्या लक्षात आले.