रश्मिका मंदानाच्या वेदना तीव्र; ‘छावा’च्या अभिनेत्रीला एक्स-रेमध्ये ३ ठिकाणी फ्रॅक्चर दिसले

By City News Desk

On 27 Jan 2025

बॉलिवूड अभिनेत्री रश्मिका मंदाना मुंबईत तिच्या आगामी छावा चित्रपटाच्या ट्रेलर लाँचला उपस्थित होती. पण पायाच्या दुखापतीमुळे ती लंगडत होती. तिने अलीकडेच सोशल मीडियावर एक पोस्ट शेअर केली आणि तिच्या पायात तीन फ्रॅक्चर आणि स्नायूंमध्ये ताण आल्याचे सांगितले होते. रश्मिकाने तिचा मेडिकल रिपोर्ट आणि एक्स-रेचा फोटोही शेअर केला आहे. ट्रेलर लाँचवेळी रश्मिका मंदाना लंगडत चालत असताना […]

बॉलिवूड अभिनेत्री रश्मिका मंदाना मुंबईत तिच्या आगामी छावा चित्रपटाच्या ट्रेलर लाँचला उपस्थित होती. पण पायाच्या दुखापतीमुळे ती लंगडत होती. तिने अलीकडेच सोशल मीडियावर एक पोस्ट शेअर केली आणि तिच्या पायात तीन फ्रॅक्चर आणि स्नायूंमध्ये ताण आल्याचे सांगितले होते.

रश्मिकाने तिचा मेडिकल रिपोर्ट आणि एक्स-रेचा फोटोही शेअर केला आहे. ट्रेलर लाँचवेळी रश्मिका मंदाना लंगडत चालत असताना विकी कौशलने मदत केली. रश्मिकाने सांगितले, की मी २ आठवड्यांपासून माझा पाय खाली ठेवला नाही. मला स्वतःच्या पायावर उभे राहण्याची खूप आठवण येतेय… १२ जानेवारी रोजी जिममध्ये वर्कआउट करताना रश्मिकाच्या पायाला दुखापत झाली होती. तरीही ती तिचे काम करत आहे. पुष्पा २ : द रुल चित्रपटानंतर ती छावामध्ये दिसणार आहे. छत्रपती संभाजी महाराजांच्या आयुष्यावर आधारित या चित्रपटात विकी कौशल मुख्य भूमिकेत आहे. हा चित्रपट १४ फेब्रुवारी रोजी थिएटरमध्ये प्रदर्शित होणार आहे. विकी छत्रपती संभाजी महाराजांची भूमिका साकारणार आहे. महाराणी येसूबाईच्या भूमिकेत रश्मिका दिसणार आहे.