चित्रपटांव्यतिरिक्त तृप्ती दिमरी तिच्या वैयक्तिक आयुष्यामुळे चर्चेत असते. ती सध्या यूकेमध्ये आहे आणि सुट्यांचा आनंद घेत आहे, परंतु एकटी नाही! बॉयफ्रेंड सॅम मर्चंटही तिच्यासोबत असल्याचा दावा केला जात आहेत. दोघांची छायाचित्रे याची साक्ष देत आहेत.
तृप्ती डिमरीला ॲनिमल चित्रपटामुळे रातोरात यश मिळाले. ती राष्ट्रीय क्रश बनली आणि तिच्यापुढे चित्रपटांची रांग लागली. विकी कौशलसोबत बॅड न्यूज, राजकुमार रावसोबत विकी विद्या का वो वाला व्हिडिओ आणि कार्तिक आर्यनसोबत भूल भुलैया ३ मध्ये ती दिसली होती. चित्रपटांव्यतिरिक्त ती तिच्या वैयक्तिक आयुष्यामुळे देखील चर्चेत असते. ती मॉडेल-उद्योगपती सॅम मर्चंटच्या प्रेमात आहे. आता चाहत्यांना असे काही पुरावे मिळाले आहेत ज्यावरून ते दावा करत आहेत की ते सध्या त्यांच्या सुट्टीचा आनंद घेत आहेत. दोघेही अनेकदा मुंबईत लंच किंवा कॉफी डेटवर दिसले असले तरी आता त्यांच्या इन्स्टाग्राम ॲक्टिव्हिटीवरून ते एकत्र सुट्टी मनवत आहेत.
चाहत्यांनी असा अंदाज लावला आहे की तृप्ती आणि सॅम यूकेच्या सुंदर कॉट्सवोल्ड्समध्ये आहेत. त्यांनी एकत्र फोटो शेअर केलेला नाही. वेगवेगळे फोटो शेअर केले आहेत. पण त्यामागील पार्श्वभूमीचे स्थान एकच आहे. तृप्ती डिमरीने काही फोटो इंस्टाग्रामवर शेअर केले आहेत. ती कधी उबदार कपडे घालून बकऱ्या चारताना तर कधी हॉट चॉकलेटचा आस्वाद घेताना दिसत आहे. एका फोटोत ती एका रेस्टॉरंटमध्ये पोज देत आहे. चाहत्यांचे म्हणणे आहे की तिचा बॉयफ्रेंड सॅम कॅमेराच्या मागे आहे. सॅमने त्याच्या इंस्टाग्राम अकाउंटवर व्हेकेशनचे फोटोही शेअर केले आहेत. तो शेळ्यांना चारा घालत आहेत. तो एका रेस्टॉरंटमध्ये पोजही देत आहे. तोदेखील उबदार कपडे घालून आणि हातात पेय घेऊन सेल्फी पोस्ट करत आहेत. दोघांनी अद्याप त्यांच्या नात्याची घोषणा केलेली नाही, हे विशेष.
तृप्ती दिमरीचे आगामी चित्रपट
वर्क फ्रंटबद्दल बोलायचे झाले तर तृप्ती २०२५ मध्ये खूप व्यस्त आहेत. तिच्याकडे सिद्धांत चतुर्वेदी आणि रणदीप हुड्डासोबतचा धडक २ आहे. याशिवाय ती शाहिद कपूरसोबत विशाल भारद्वाजच्या चित्रपटात दिसणार आहे, ज्याचे शूटिंग जानेवारी २०२५ पासून सुरू होणार आहे. तिचा इम्तियाज अलीसोबतही एक चित्रपट आहे, ज्यामध्ये ती फहद फासिलसोबत दिसणार आहे.
