वडिलांना दवाखान्यात आणताना हायवाने युवकाला चिरडले; जागीच मृत्यू, छत्रपती संभाजीनगरची घटना

By City News Desk

On 16 Sep 2024

वडिलांना दवाखान्यात आणताना हायवाने युवकाला चिरडले; जागीच मृत्यू, छत्रपती संभाजीनगरची घटना

छत्रपती संभाजीनगर : भरधाव हायवाने युवकाला चिरडले. त्याचा जागीच मृत्यू झाला. ही घटना आज, 16 स्प्टेंबरला दुपारी 12 च्या सुमारास धुळे- सोलापूर राष्ट्रीय महामार्गावर झाल्टा फाट्याजवळ ही घटना घडली. सचिन भागवत पानखडे (वय 31, रा. राजपिंप्री, ता. गेवराई, जि. बीड) असे मृत्यू झालेल्याचे नाव असून, तो वडिलांना दवाखान्यात घेऊन येत होता. लघुशंकेसाठी रस्त्यात थांबला अन् […]

छत्रपती संभाजीनगर : भरधाव हायवाने युवकाला चिरडले. त्याचा जागीच मृत्यू झाला. ही घटना आज, 16 स्प्टेंबरला दुपारी 12 च्या सुमारास धुळे- सोलापूर राष्ट्रीय महामार्गावर झाल्टा फाट्याजवळ ही घटना घडली. सचिन भागवत पानखडे (वय 31, रा. राजपिंप्री, ता. गेवराई, जि. बीड) असे मृत्यू झालेल्याचे नाव असून, तो वडिलांना दवाखान्यात घेऊन येत होता.

लघुशंकेसाठी रस्त्यात थांबला अन् झुडुपातून रस्त्यावर येताच त्याच्यावर काळाने झडप घातली. सचिनचे वडील आजारी असल्याने त्यांना घेऊन सचिन कारने छत्रपती संभाजीनगरला येत होता. सोबत भाऊ रामेश्वर आणि प्रल्हाद होते. झाल्टा फाटा येथे ते लघुशंकेसाठी थांबले.

सचिन लघुशंका करून झुडुपातून रस्त्यावर आला अन् त्याचवेळी निपाणीकडून शहराकडे भरधाव निघालेल्या हायवाने (क्र. एमएच 20 जीसी 5509) त्याला धडक दिली. यात सचिन जागीच मृत्यूमुखी पडला. घाटी रुग्णालयातील डॉक्टरांनी त्याला मृत घोषित केले. घटनेची नोंद चिकलठाणा पोलीस ठाण्यात करण्यात आली आहे. हायवा चालकाला अटक करण्यात आली आहे.