छत्रपती संभाजीनगर (सीएससीएन वृत्तसेवा) : आगामी काळातील सण, उत्सवादरम्यान कायदा व सुव्यवस्था अबाधित रहावी यासाठी जमाव बंदी व शस्त्र बंदीचे आदेश अप्पर जिल्हादंडाधिकारी विनोद खिरोळकर यांनी जारी केले आहेत.
१६ ते ३० सप्‍टेंबर या कालावधीत हे आदेश लागू असतील. या आदेशान्वये सार्वजनिक ठिकाणी शस्त्र वापरण्यास, दाहक स्फोटक पदार्थ बाळगण्यास, प्रक्षोभक भाषणे, असभ्य वर्तन करण्यास, प्रतिमा, आकृत्यांचे प्रदर्शन करण्यास व कृत्य करण्यास तसेच पाच किंवा पाचपेक्षा अधिक व्यक्‍तींना विनापरवानगी एकत्र येण्यास बंदी घालण्यात आली आहे. या आदेशातून कर्तव्यावर असलेले पोलीस अधिकारी व अन्य सक्षम अधिकारी यांना वगळण्यात आल्याचेही आदेशात नमूद आहे. या आदेशाचा भंग करणाऱ्यांविरुद्ध कायदेशीर कारवाई करण्यात येईल, असेही आदेशात स्पष्ट करण्यात आले आहे.
