गॅस सिलिंडरचा भडका; घराला भीषण आग, सुदैवाने जिवीत हानी टळली, संसार खाक, पंढरपुरातील घटना

By City News Desk

On 12 Sep 2024

छत्रपती संभाजीनगर (सीएससीएन वृत्तसेवा) : स्वयंपाक करताना अचानक गॅस सिलिंडरचा भडका झाला. यामुळे घराला आग लागून संसारोपयोगी साहित्य जळून गेले. ही घटना बुधवारी (११ सप्‍टेंबर) दुपारी बाराला वाळूज एमआयडीसीतील छोट्या पंढरपूरमध्ये घडली. नागरिक व अग्निशमन दलाच्या जवानांनी वेळीच धाव घेऊन आग विझवल्याने मोठा अनर्थ टळला. अर्चना केरे यांच्या घरात रूम किरायाने घेऊन कृष्णा ग्यानबा परतुरे […]

छत्रपती संभाजीनगर (सीएससीएन वृत्तसेवा) : स्वयंपाक करताना अचानक गॅस सिलिंडरचा भडका झाला. यामुळे घराला आग लागून संसारोपयोगी साहित्य जळून गेले. ही घटना बुधवारी (११ सप्‍टेंबर) दुपारी बाराला वाळूज एमआयडीसीतील छोट्या पंढरपूरमध्ये घडली.

नागरिक व अग्निशमन दलाच्या जवानांनी वेळीच धाव घेऊन आग विझवल्याने मोठा अनर्थ टळला. अर्चना केरे यांच्या घरात रूम किरायाने घेऊन कृष्णा ग्यानबा परतुरे राहतात. बुधवारी सकाळी त्यांनी नवीन सिलिंडर आणले. स्वयंपाक करत असतानाच अचानक सिलिंडरला आग लागली. कृष्णा यांनी प्रसंगावधान राखून घराबाहेर पडले. आरडा-ओरडा सुरू केली. शेजाऱ्यांनी पाण्याचा मारा करत आग विझविण्याचा प्रयत्न केला. मात्र आगीने रौद्ररुप धारण करत कपडे व साहित्य पेटले. वाळूज अग्निशमन दलाच्या जवानांनी घटनास्थळी येत आग आटोक्‍यात आणली.