खबरदार…आक्षेपार्ह पोस्ट शेअर कराल तर!; पोलीस आयुक्‍तांचा इशारा

By City News Desk

On 17 Aug 2024

खबरदार…आक्षेपार्ह पोस्ट शेअर कराल तर!; पोलीस आयुक्‍तांचा इशारा

छत्रपती संभाजीनगर (सीएससीएन वृत्तसेवा) : सराला बेटाचे महंत रामगिरी महाराज यांनी केलेल्या वक्‍तव्‍याचे छत्रपती संभाजीनगर, वैजापूर, गंगापूरसह जिल्हाभरात संतप्त पडसाद उमटले. हजारोंचा जमाव वैजापूर, छत्रपती संभाजीनगरमध्ये रस्त्यावर उतरला होता. सध्या जिल्ह्यात शांतता आहे. मात्र या शांततेला गालबोट लागू नये म्‍हणून पोलीस अलर्ट मोडवर आहेत. आता पोलीस आयुक्‍तांनी आक्षेपार्ह पोस्ट शेअर करणाऱ्यांना दम भरला असून, अशांविरुद्ध […]

छत्रपती संभाजीनगर (सीएससीएन वृत्तसेवा) : सराला बेटाचे महंत रामगिरी महाराज यांनी केलेल्या वक्‍तव्‍याचे छत्रपती संभाजीनगर, वैजापूर, गंगापूरसह जिल्हाभरात संतप्त पडसाद उमटले. हजारोंचा जमाव वैजापूर, छत्रपती संभाजीनगरमध्ये रस्त्यावर उतरला होता. सध्या जिल्ह्यात शांतता आहे. मात्र या शांततेला गालबोट लागू नये म्‍हणून पोलीस अलर्ट मोडवर आहेत. आता पोलीस आयुक्‍तांनी आक्षेपार्ह पोस्ट शेअर करणाऱ्यांना दम भरला असून, अशांविरुद्ध कडक कायदेशीर कारवाई केली जाईल, असा इशारा दिला आहे.

पोलीस आयुक्‍त प्रवीण पवार यांनी म्‍हटले आहे, की छत्रपती संभाजीनगर शहरातील सर्व नागरिकांना आवाहन करण्यात येते की, व्हॉट्स ॲप, इन्स्टाग्राम, फेसबुकसह अन्य सोशल मीडियाद्वारे आक्षेपार्ह स्टेटस, रील्स, स्टोरी प्रसारित करू नये. फेसबुक, इन्स्टाग्राम, व्हॉट्सअॅप, ट्विटरवर कोणत्याही प्रकारचे आक्षेपार्ह फोटो, व्हिडीओ पाठवू नये. असे करणाऱ्या व्यक्तींवर कडक कायदेशीर कार्यवाही करण्यात येईल. कुठल्याही समाज विघातक कृत्यात सहभागी होऊ नका, अफवांवर विश्वास ठेवू नये, नागरिकांनी शांतता व सुव्यवस्था अबाधित ठेवण्यासाठी पोलीस प्रशासनास सहकार्य करावे, असे आवाहनही पोलीस आयुक्तांनी केले आहे.

शहरात बंदोबस्त वाढवला…
शहरात पोलीस बंदोबस्त वाढविण्यात आला आहे. संवेदनशील परिसरांवर करडी नजर ठेवली जात आहे. पोलीस ठाण्यांना सतर्कतेचे आदेश देण्यात आले आहेत.