कन्नड (सीएससीएन वृत्तसेवा) : हिवरखेडा (ता. कन्नड) येथील गौताळा रस्त्यालगत ३३ वर्षीय युवकाचा मृतदेह शनिवारी (१९ जुलै) सायंकाळी साडेसहाला आढळल्याने एकच खळबळ उडाली. धारासिंग धर्म जाधव (रा. हिवरखेडा गौताळा) असे त्‍याचे नाव आहे. धारासिंग मोलमजुरी करून कुटुंबाचा उदरनिर्वाह भागवत होते. गौताळा रस्त्यालगतच्या खासगी लॉन्सच्या बाजूला पादचाऱ्यांना ते बेशुद्धावस्थेत दिसले. त्यांना नातेवाइकांनी कन्नड ग्रामीण रुग्णालयात नेले […]
कन्नड (सीएससीएन वृत्तसेवा) : हिवरखेडा (ता. कन्नड) येथील गौताळा रस्त्यालगत ३३ वर्षीय युवकाचा मृतदेह शनिवारी (१९ जुलै) सायंकाळी साडेसहाला आढळल्याने एकच खळबळ उडाली. धारासिंग धर्म जाधव (रा. हिवरखेडा गौताळा) असे त्‍याचे नाव आहे.
धारासिंग मोलमजुरी करून कुटुंबाचा उदरनिर्वाह भागवत होते. गौताळा रस्त्यालगतच्या खासगी लॉन्सच्या बाजूला पादचाऱ्यांना ते बेशुद्धावस्थेत दिसले. त्यांना नातेवाइकांनी कन्नड ग्रामीण रुग्णालयात नेले असता डॉक्टरांनी तपासून त्यांना मृत घोषित केले. रविवारी सकाळी उत्तरीय तपासणीनंतर मृतदेह नातेवाइकांच्या ताब्यात देण्यात आला. धारासिंग यांच्या पश्चात पत्नी, दोन मुले, आई-वडील असा परिवार आहे. कन्नड शहर पोलिसांनी आकस्मिक मृत्यूची नोंद करून तपास सुरू केला आहे. घातपात, अपघात की आत्‍महत्‍या, याची चर्चा सुरू असून, पोलीस सर्व बाजूंनी तपास करत आहेत.
