१२ वी सायन्स शिकणाऱ्या १८ वर्षीय विद्यार्थ्याची जयभवानीनगरात आत्‍महत्‍या!; राहुलनगरातही हॉटेल कामगाराने संपवले जीवन!!

By City News Desk

On 15 Jul 2025

१२ वी सायन्स शिकणाऱ्या १८ वर्षीय विद्यार्थ्याची जयभवानीनगरात आत्‍महत्‍या!; राहुलनगरातही हॉटेल कामगाराने संपवले जीवन!!

छत्रपती संभाजीनगर (सीएससीएन वृत्तसेवा) : काकाकडे राहून १२ वी सायन्सचे शिक्षण घेणाऱ्या १८ वर्षीय विद्यार्थ्याने गळफास घेऊन आत्‍महत्‍या केली. ही धक्कादायक घटना जय भवानीनगरमध्ये सोमवारी (१४ जुलै) सकाळी समोर आली. अभिषेक प्रदीप देशमुख (वय १८, ह. मु. जय भवानीनगर, मूळ रा. लोणी, ता. मेहकर) असे आत्‍महत्‍या केलेल्या मुलाचे नाव आहे. अभिषेक शिक्षणासाठी काकाकडे राहत होता. […]

छत्रपती संभाजीनगर (सीएससीएन वृत्तसेवा) : काकाकडे राहून १२ वी सायन्सचे शिक्षण घेणाऱ्या १८ वर्षीय विद्यार्थ्याने गळफास घेऊन आत्‍महत्‍या केली. ही धक्कादायक घटना जय भवानीनगरमध्ये सोमवारी (१४ जुलै) सकाळी समोर आली.

अभिषेक प्रदीप देशमुख (वय १८, ह. मु. जय भवानीनगर, मूळ रा. लोणी, ता. मेहकर) असे आत्‍महत्‍या केलेल्या मुलाचे नाव आहे. अभिषेक शिक्षणासाठी काकाकडे राहत होता. रविवारी मध्यरात्रीतून त्याने छताच्या हुकाला ओढणीने गळफास घेतला. सोमवारी सकाळी साडेसहाला ही बाब समोर येताच कुटुंबीयांनी घाटी रुग्णालयात नेले. मात्र डॉक्‍टरांनी तपासून मृत घोषित केले. त्‍याच्या आत्‍महत्‍येचे कारण अद्याप समोर आलेले नाही. अधिक तपास मुकुंदवाडी पोलीस तपास करीत आहेत.

हॉटेल कामगाराची आत्‍महत्‍या
सातारा पोलीस ठाण्याच्या हद्दीत राहुलनगरमध्ये हॉटेल कामगार कल्याण रतन सातपुते (वय ५०) यांनी आत्महत्या केली. रविवारी सायंकाळी कुटुंबातील सदस्य नातेवाइकांच्या कार्यक्रमात सहभागी होण्यासाठी गेले होते. त्याच दरम्यान त्यांनी गळफास घेतला. रात्री दहाच्या सुमारास कुटुंब घरी परतल्यावर हा प्रकार समोर आला. त्‍यांनी कल्याण यांना तातडीने घाटी रुग्णालयात नेले. मात्र डॉक्‍टरांनी तपासून मृत घोषित केले. त्‍यांच्या आत्‍महत्‍येचे कारण अद्याप समोर आलेले नाही. सातारा पोलीस अधिक तपास करीत आहेत.