कर्जबाजारी शेतकऱ्याने विष पिऊन संपवली जीवनयात्रा!; सोयगाव तालुक्‍यातील दुर्दैवी घटना

By City News Desk

On 13 Jul 2025

कर्जबाजारी शेतकऱ्याने विष पिऊन संपवली जीवनयात्रा!; सोयगाव तालुक्‍यातील दुर्दैवी घटना

सोयगाव (सीएससीएन वृत्तसेवा) : डोक्यावर कर्जाचा डोंगर असलेल्या २८ वर्षीय शेतकऱ्याने विष पिऊन आत्‍महत्‍या केल्याची धक्कादायक घटना शनिवारी (१२ जुलै) रात्री अकराला सोयगाव तालुक्यातील बहुलखेडा येथे घडली. सुरेश अर्जुन पाटील (वय २८) असे आत्महत्या केलेल्या शेतकऱ्याचे नाव आहे. बहुलखेडा शिवारात त्यांची शेती आहे. पाच दिवसांपासून पावसाचा खंड पडल्याने मका, कपाशी पिकांची खुंटलेली वाढ आणि त्यातच […]

सोयगाव (सीएससीएन वृत्तसेवा) : डोक्यावर कर्जाचा डोंगर असलेल्या २८ वर्षीय शेतकऱ्याने विष पिऊन आत्‍महत्‍या केल्याची धक्कादायक घटना शनिवारी (१२ जुलै) रात्री अकराला सोयगाव तालुक्यातील बहुलखेडा येथे घडली.

सुरेश अर्जुन पाटील (वय २८) असे आत्महत्या केलेल्या शेतकऱ्याचे नाव आहे. बहुलखेडा शिवारात त्यांची शेती आहे. पाच दिवसांपासून पावसाचा खंड पडल्याने मका, कपाशी पिकांची खुंटलेली वाढ आणि त्यातच विविध रोगाचा विळखा यामुळे कर्ज फेडण्याच्या विवंचनेत सुरेश पाटील होते. त्यांच्यावर बँक आणि खासगी बँका असे एकूण सहा लाखांचे कर्ज आहे. त्यांना पाचोरा येथील ग्रामीण रुग्णालयात नेण्यात आले असता डॉक्‍टरांनी मृत घोषित केले. आज, १३ जुलैला सकाळी अकराला शोकाकुल वातावरणात बहुलखेडा येथे अंत्यसंस्कार करण्यात आले. त्यांच्या पश्चात आई, वडील, पत्नी, दोन भाऊ, दोन मुले असा परिवार आहे.