बहिणीच्या मृत्‍यूनंतर २० दिवसांनी भावाची गळफास घेऊन आत्‍महत्‍या, बोडखे कुटुंबावर कोसळला दुःखाचा डोंगर!, खुलताबादची घटना

By City News Desk

On 06 Jul 2025

बहिणीच्या मृत्‍यूनंतर २० दिवसांनी भावाची गळफास घेऊन आत्‍महत्‍या, बोडखे कुटुंबावर कोसळला दुःखाचा डोंगर!, खुलताबादची घटना

खुलताबाद (सीएससीएन वृत्तसेवा) : नंद्राबाद (ता. खुलताबाद) येथे ३२ वर्षीय युवकाने राहत्‍या घराशेजारील झाडाला शनिवारी (५ जुलै) दुपारी १ च्या सुमारास गळफास घेऊन आत्‍महत्‍या केली. कैलास विश्वनाथ बोडखे असे आत्‍महत्‍या केलेल्याचे नाव आहे. कैलास शनिवारी सकाळी हैदराबादला जाण्यासाठी माल भरलेला ट्रक घेऊन घरी आला होता. मित्र व नातेवाइकांनी भेट घेतली. दुपारी एकच्या सुमारास घरासमोरील बाभळीच्या […]

खुलताबाद (सीएससीएन वृत्तसेवा) : नंद्राबाद (ता. खुलताबाद) येथे ३२ वर्षीय युवकाने राहत्‍या घराशेजारील झाडाला शनिवारी (५ जुलै) दुपारी १ च्या सुमारास गळफास घेऊन आत्‍महत्‍या केली. कैलास विश्वनाथ बोडखे असे आत्‍महत्‍या केलेल्याचे नाव आहे.

कैलास शनिवारी सकाळी हैदराबादला जाण्यासाठी माल भरलेला ट्रक घेऊन घरी आला होता. मित्र व नातेवाइकांनी भेट घेतली. दुपारी एकच्या सुमारास घरासमोरील बाभळीच्या झाडाला गळफास घेतला. त्‍यासाठी झोक्‍याच्या दोरीचा वापर केला. कैलासने गळफास घेतल्याचे लक्षात येताच नातेवाइकांनी ताबडतोब खुलताबाद ग्रामीण रुग्णालयात आणले. मात्र डॉक्टरांनी तपासून मयत घोषित केले. सायंकाळी साडेपाचला कैलासवर अंत्यसंस्कार करण्यात आले. त्याच्या पश्चात आई-वडील, दोन भाऊ असा परिवार आहे. कैलासच्या आत्महत्येचे कारण अद्याप समोर आलेले नाही. खुलताबाद पोलीस तपास करत आहेत. २० दिवसांपूवी कैलासच्या सख्ख्या चुलत बहिणीचा शॉक लागून मृत्‍यू झाला होता.