महापालिकेचा बुलडोझर पडेगाव रोडकडे वळला!; सकाळपासूनच कारवाईला सुरुवात

By City News Desk

On 03 Jul 2025

महापालिकेचा बुलडोझर पडेगाव रोडकडे वळला!; सकाळपासूनच कारवाईला सुरुवात

छत्रपती संभाजीनगर (सीएससीएन वृत्तसेवा) : जालना रोड, पैठण रोडनंतर आता महापालिकेचा बुलडोझर आता पडेगाव-दौलताबाद टी पॉइंट रस्‍त्‍यावरील अतिक्रमणांकडे वळला आहे. बुधवारी (२ जुलै) मार्किंग केल्यानंतर आज, ३ जुलैला सकाळपासूनच ६०० अतिक्रमणांवर हातोडा पडणार आहे. बहुतांश लोकांनी आपली अतिक्रमणे स्वतःहून काढून घेतली असून, उरलेली अतिक्रमणे आता महापालिकेचे पथक काढणार आहे. शहर विकास आराखड्यात हा रस्‍ता ६० […]

छत्रपती संभाजीनगर (सीएससीएन वृत्तसेवा) : जालना रोड, पैठण रोडनंतर आता महापालिकेचा बुलडोझर आता पडेगाव-दौलताबाद टी पॉइंट रस्‍त्‍यावरील अतिक्रमणांकडे वळला आहे. बुधवारी (२ जुलै) मार्किंग केल्यानंतर आज, ३ जुलैला सकाळपासूनच ६०० अतिक्रमणांवर हातोडा पडणार आहे.

बहुतांश लोकांनी आपली अतिक्रमणे स्वतःहून काढून घेतली असून, उरलेली अतिक्रमणे आता महापालिकेचे पथक काढणार आहे. शहर विकास आराखड्यात हा रस्‍ता ६० मीटर आहे. ६० मीटरच्या आतील अतिक्रमणे काढण्यात येतील. यात ढाबे, हॉटेल्स, दुकाने, चहा-नाश्त्याचे स्टॉल्स भरपूर आहेत. निवासी मालमत्ता कमी आहेत. ज्‍यांच्या अधिकृत मालमत्ता कारवाईत पाडल्या जातील, त्‍यांना टीडीआर मिळू शकतो. घरकुल योजनेतही त्‍यांना ५ टक्‍के आरक्षण असणार आहेत.

चौपदरीकरणाची वर्कऑर्डर ८ दिवसांत निघणार
नगर नाकामार्गे छावणी ते पडेगाव, मिटमिटा, शरणापूर-वंजारवाडी फाटामार्गे पुढे दौलताबाद टी पॉइंटपर्यंत जाणाऱ्या या रस्त्याचे चौपदरीकरण लगेचच सार्वजनिक बांधकाम विभाग हाती घेणार आहे. काँक्रिटीकरणातून हा रस्ता होईल. त्‍याची वर्कऑर्डर ८ दिवसांत काढण्यात येणार आहे. त्‍यामुळे महापालिकेची अतिक्रमण हटाव कारवाई त्‍यांच्या पथ्यावर पडणार आहे.