१७ वर्षांच्या मुलीला तरुणाने नेले पळवून!; आईच्या डोळ्यांदेखत दुचाकीवरून ठोकली दोघांनी धूम…, न्यायनगरातील घटना

By City News Desk

On 02 Jul 2025

१७ वर्षांच्या मुलीला तरुणाने नेले पळवून!; आईच्या डोळ्यांदेखत दुचाकीवरून ठोकली दोघांनी धूम…, न्यायनगरातील घटना

छत्रपती संभाजीनगर (सीएससीएन वृत्तसेवा) : १६ वर्षीय मुलीला पळवून नेल्याप्रकरणी पुंडलिकनगर पोलिसांनी एका तरुणाविरुद्ध गुन्हा दाखल केला आहे. मोटारसायकलीवर बसून त्‍याने मुलीला पळवले. मुलीच्या आईने हा प्रकार पाहिला. २७ जूनला मुलीला पळवून नेले होते, मंगळवारपर्यंतही (१ जुलै) मुलगी परत न आल्याने अखेर आईने पोलिसांत धाव घेतली. ४५ वर्षीय महिलेने याप्रकरणात तक्रार दिली आहे. त्‍या गारखेडा […]

छत्रपती संभाजीनगर (सीएससीएन वृत्तसेवा) : १६ वर्षीय मुलीला पळवून नेल्याप्रकरणी पुंडलिकनगर पोलिसांनी एका तरुणाविरुद्ध गुन्हा दाखल केला आहे. मोटारसायकलीवर बसून त्‍याने मुलीला पळवले. मुलीच्या आईने हा प्रकार पाहिला. २७ जूनला मुलीला पळवून नेले होते, मंगळवारपर्यंतही (१ जुलै) मुलगी परत न आल्याने अखेर आईने पोलिसांत धाव घेतली.

४५ वर्षीय महिलेने याप्रकरणात तक्रार दिली आहे. त्‍या गारखेडा परिसरातील न्यायनगरात राहतात. त्‍या किरायाच्या घरात १६ वर्षे ११ महिने वयाच्या मुलीसोबत ८ वर्षांपासून राहतात. धुणी भांडीचे काम करून दोघींचा उदरनिर्वाह करतात. २७ जूनला सकाळी ७ वाजता त्‍या नेहमीप्रमाणे कामावर गेल्या होत्‍या. त्यावेळी मुलगी घरीच होती. दुपारी चारला त्‍या कामावरून घरी आल्या असता मुलगी घरात दिसून आली नाही.

तिचा बाहेर आजूबाजूला शोध घेतला असता ओळखीचा मुलगा संदिप काकडे (रा. संजयनगर, मुकुंदवाडी) याच्या मोटारसायकलीवर मुलगी गल्लीमधून बसून जाताना दिसली. त्यानंतर महिलेने संदिपच्या मोबाईलवर फोन केले. मात्र त्याने फोन उचलले नाही. मुलगी मंगळवारपर्यंत घरी आली नाही. संदिपने तिचे अपहरण केले आहे, अशी तक्रार महिलेने पुंडलिकनगर पोलीस ठाणे गाठून तक्रार दिली. त्‍यावरून पोलिसांनी संदिपविरुद्ध अपहरणाचा गुन्हा दाखल केला आहे. अधिक तपास पोलीस अंमलदार केशव कासारे करत आहेत.