अनिवासी भूखंडाच्या ई-लिलावाकरिता १७ जुलैपर्यंत मुदतवाढ

By City News Desk

On 01 Jul 2025

अनिवासी भूखंडाच्या ई-लिलावाकरिता १७ जुलैपर्यंत मुदतवाढ

छत्रपती संभाजीनगर (सीएससीएन वृत्तसेवा) : गृहनिर्माण व क्षेत्रविकास मंडळ, छत्रपती संभाजीनगरतर्फे (महाराष्ट्र गृहनिर्माण व क्षेत्रविकास प्राधिकरणाचा विभागीय घटक) १ जून २०२५ रोजी ५२ अनिवासी भूखंडाच्या ई-लिलावाकरिता जाहिरात प्रसिध्द करण्यात आलेली होती. ई-लिलावाकरिता ऑनलाईन अर्ज सादर करण्याच्या व ऑनलाईन पेमेंट स्विकृतीचा कालावधीमध्ये बदल करून मुदतवाढ देण्यात आली आहे. ई-लिलाव प्रक्रियेत भाग घेण्यासाठी संकेतस्थळावर नोंदणी करणे, ऑनलाईन […]

छत्रपती संभाजीनगर (सीएससीएन वृत्तसेवा) : गृहनिर्माण व क्षेत्रविकास मंडळ, छत्रपती संभाजीनगरतर्फे (महाराष्ट्र गृहनिर्माण व क्षेत्रविकास प्राधिकरणाचा विभागीय घटक) १ जून २०२५ रोजी ५२ अनिवासी भूखंडाच्या ई-लिलावाकरिता जाहिरात प्रसिध्द करण्यात आलेली होती. ई-लिलावाकरिता ऑनलाईन अर्ज सादर करण्याच्या व ऑनलाईन पेमेंट स्विकृतीचा कालावधीमध्ये बदल करून मुदतवाढ देण्यात आली आहे.

ई-लिलाव प्रक्रियेत भाग घेण्यासाठी संकेतस्थळावर नोंदणी करणे, ऑनलाईन अर्ज करणे, कागदपत्रे अपलोड करणे, अनामत रक्कम ऑनलाईन भरणे यासाठी अंतिम दिनांक व वेळ १ जुलै होती. सुधारित दिनांक १७ जुलै रोजी रात्री ११ वाजून ५९ मिनिटांपर्यंत असेल. ई-लिलावाकरीता आरटीजीएस, एनईएफटीद्वारे अनामत रक्कम भरण्याची अंतिम दिनांक १८ जुलैपर्यंत संबंधित बँकेच्या कार्यालयीन वेळेत भरणा करावी. ई-लिलाव (ऑनलाईन बोली) २२ जुलै रोजी ११ वाजता सुरू होईल. ई-लिलाव ऑनलाईन बोली अंतिम वेळ दुपारी ५ वाजेपर्यंत राहील. ई-लिलावाचा एकत्रित निकाल २३ जुलै रोजी दुपारी १२ वाजता जाहीर करण्यात येईल. ई-लिलाव प्रक्रियेत भाग घेण्यासाठी संकेतस्थळावर नोंदणी करणे, ऑनलाईन अर्ज करणे, कागदपत्रे अपलोड करणे, अनामत रक्कम भरणे इत्यादीकरिता २ जून रोजीच्या जाहिरातीमध्ये अन्य कोणताही बदल करण्यात आलेला नाही. याची नोंद घ्यावी, असे मुख्य अधिकारी, छत्रपती संभाजीनगर गृहनिर्माण व क्षेत्रविकास मंडळ, छत्रपती संभाजीनगर यांनी प्रसिद्धीपत्रकान्वये कळविले आहे.