ठेकेदारीवरून वाळूज MIDC त कंपनी सुपरवायझरवर लोखंडी रॉडचे वार!

By City News Desk

On 29 Jun 2025

ठेकेदारीवरून वाळूज MIDC त कंपनी सुपरवायझरवर लोखंडी रॉडचे वार!

छत्रपती संभाजीनगर (सीएससीएन वृत्तसेवा) : वाळूज एमआयडीसीतील साजापूर येथील संकज इंजिनिअरिंग कंपनीत ठेकेदारी काढून घेतल्याने संतापलेल्या दोघांनी सुपरवायझरवर जीवघेणा हल्ला चढवला. यात सुपरवायझर जखमी झाला आहे. इरफान शेख गणी (रा. साजापूर) व विजय जटाळ (रा. वडगाव) अशी हल्लेखोरांची नावे असून, शेख अहमद शेख नूर (वय ४०) यांनी वाळूज एमआयडीसी पोलीस ठाण्यात दोघांविरुद्ध तक्रार दिली आहे. […]

छत्रपती संभाजीनगर (सीएससीएन वृत्तसेवा) : वाळूज एमआयडीसीतील साजापूर येथील संकज इंजिनिअरिंग कंपनीत ठेकेदारी काढून घेतल्याने संतापलेल्या दोघांनी सुपरवायझरवर जीवघेणा हल्ला चढवला. यात सुपरवायझर जखमी झाला आहे.

इरफान शेख गणी (रा. साजापूर) व विजय जटाळ (रा. वडगाव) अशी हल्लेखोरांची नावे असून, शेख अहमद शेख नूर (वय ४०) यांनी वाळूज एमआयडीसी पोलीस ठाण्यात दोघांविरुद्ध तक्रार दिली आहे. शेख अहमद संकज इंजिनिअरिंग कंपनीत सुपरवायझर आहेत. शनिवारी (२८ जून) सकाळी साडेसहाला ते कंपनीत येताच गेटसमोर इरफान व विजयने अडवले. तू आमचा ठेका काढून घेतोस… असे म्हणत इरफानने हातातील लाकडी दांड्याने शेख यांच्या डाव्या हातावर मारहाण केली. विजयने लोखंडी रॉडने त्यांच्या उजव्या हातावर वार केले. शेख यांना गंभीर दुखापत झाली आहे. त्यांना निळकंठ हिवाळे यांनी घाटी रुग्णालयात उपचारासाठी दाखल केले. पोलिसांनी इरफान व विजयविरुद्ध गुन्हा दाखल केला आहे. अधिक तपास केला जात आहे.