बायजीपुरा सेंट्रल नाका परिसरातून १४ वर्षीय मुलीला फूस लावून पळवले

By City News Desk

On 27 Jun 2025

बायजीपुरा सेंट्रल नाका परिसरातून १४ वर्षीय मुलीला फूस लावून पळवले

छत्रपती संभाजीनगर (सीएससीएन वृत्तसेवा) : छत्रपती संभाजीनगर शहरातील बायजीपुरा सेंट्रल नाका भागातून १४ वर्षीय मुलीला फूस लावून पळवल्याची तक्रार मुलीच्या आईने जिन्सी पोलीस ठाण्यात केली आहे. त्‍यावरून पोलिसांनी अपहरणकर्त्याविरुद्ध गुन्हा दाखल करून मुलीचा शोध सुरू केला आहे. ३८ वर्षीय महिलेने या प्रकरणात तक्रार दिली आहे. त्‍यांचे पती पीओपीचे काम करतात. बुधवारी (२५ जून) रात्री ११ […]

छत्रपती संभाजीनगर (सीएससीएन वृत्तसेवा) : छत्रपती संभाजीनगर शहरातील बायजीपुरा सेंट्रल नाका भागातून १४ वर्षीय मुलीला फूस लावून पळवल्याची तक्रार मुलीच्या आईने जिन्सी पोलीस ठाण्यात केली आहे. त्‍यावरून पोलिसांनी अपहरणकर्त्याविरुद्ध गुन्हा दाखल करून मुलीचा शोध सुरू केला आहे.

३८ वर्षीय महिलेने या प्रकरणात तक्रार दिली आहे. त्‍यांचे पती पीओपीचे काम करतात. बुधवारी (२५ जून) रात्री ११ च्या सुमारास कुटुंबातील सर्व जण घरात झोपी गेले. महिलेने मध्यरात्रीनंतर दीडला उठून बघितले असता त्‍यांची १४ वर्षीय मुलगी घरात दिसून आली नाही. ती सर्व जण झोपलेले असल्याची संधी साधून कोणास काही एक न सांगता घरातून निघून गेली. तिचा शहरातील व शहाबाहेरील नातेवाइकांकडे शोध घेतला असता ती मिळून आली नाही. कोणीतरी तिला फूस लावून पळवून नेल्याचे तक्रारीत म्‍हटले आहे. मुलगी दहावी शिकलेली आहे. तपास पोलीस अंमलदार ध्रुवराज गोराडे करत आहेत.