परीक्षा विभागाच्या भोंगळ कारभारामुळे विद्यार्थी संकटात; पदव्युत्तर प्रवेशासाठी नोंदणी मुदत ३० जूनपर्यंत अन्‌ पदवीचे निकाल जाहीर होईना!

By City News Desk

On 20 Jun 2025

परीक्षा विभागाच्या भोंगळ कारभारामुळे विद्यार्थी संकटात; पदव्युत्तर प्रवेशासाठी नोंदणी मुदत ३० जूनपर्यंत अन्‌ पदवीचे निकाल जाहीर होईना!

छत्रपती संभाजीनगर (सीएससीएन वृत्तसेवा) : बी.ए., बी. कॉम. आणि बी.एस्सी.च्या परीक्षांचे निकाल जाहीर करण्यास विलंब होत असल्याने पदव्युत्तर अभ्यासक्रमांच्या प्रवेशावर परिणाम होत आहे. डॉ. बाबासाहेब आंबेडकर मराठवाडा विद्यापीठाचे परीक्षा संचालक डॉ. बी. एन. डोळे यांनी ८ दिवसांत निकाल जाहीर होतील, असा दावा केला आहे. पदव्युत्तरची प्रवेश प्रक्रिया जुलैमध्ये पूर्ण होईल का, असा प्रश्न निर्माण झाला […]

छत्रपती संभाजीनगर (सीएससीएन वृत्तसेवा) : बी.ए., बी. कॉम. आणि बी.एस्सी.च्या परीक्षांचे निकाल जाहीर करण्यास विलंब होत असल्याने पदव्युत्तर अभ्यासक्रमांच्या प्रवेशावर परिणाम होत आहे. डॉ. बाबासाहेब आंबेडकर मराठवाडा विद्यापीठाचे परीक्षा संचालक डॉ. बी. एन. डोळे यांनी ८ दिवसांत निकाल जाहीर होतील, असा दावा केला आहे. पदव्युत्तरची प्रवेश प्रक्रिया जुलैमध्ये पूर्ण होईल का, असा प्रश्न निर्माण झाला आहे.

विद्यापीठातील ४५ विभागांत पदव्युत्तर पदवी अभ्यासक्रम प्रवेशासाठी वेळापत्रक जाहीर झाले आहे. यात ५ ते ३० जूनदरम्यान ई-समर्थ पोर्टलद्वारे प्रवेशासाठी नोंदणी करता येईल. त्यानंतर नोंदणीचा डेटा विभागांकडे १ जुलैला सुपूर्द होईल. विद्यार्थ्यांना ५ जुलैपर्यंत संबंधित विभागांत कागदपत्रे सादर करावी लागतील. १४ जुलैला कागदपत्रांची छाननी होऊन १७ जुलैला सर्वसामान्य गुणवत्ता यादी तर सुधारित गुणवत्ता यादी २१ जुलैला जाहीर होईल. २२ जुलैला निवड यादी जाहीर झाल्यानंतर २३ ते २५ जुलैदरम्यान विद्यार्थ्यांना प्रवेश निश्चित करावे लागतील. एकीकडे प्रवेशाची नोंदणी मुदत संपण्याची वेळ आली असताना पदवी परीक्षांचे निकालच जाहीर झालेले नाहीत. नोंदणीला मुदतवाढ द्यावी लागणार आहे. परीक्षा विभागाच्या या भोंगळ कारभारामुळे विद्यार्थी गोंधळले आहेत. दुसरीकडे परीक्षा संचालक डॉ. डोळे हे मात्र निकाल जाहीर करण्याचे काम वेगात सुरू असल्याचा दावा करत आहेत.