पुंडलिकनगरात वाईन बारच्या मॅनेजरला जीवंत जाळण्याचा प्रयत्‍न!

By City News Desk

On 18 Jun 2025

पुंडलिकनगरात वाईन बारच्या मॅनेजरला जीवंत जाळण्याचा प्रयत्‍न!

छत्रपती संभाजीनगर (सीएससीएन वृत्तसेवा) : वाईन बारच्या मॅनेजरने फुकट दारू देण्यास नकार दिल्याने दारूड्याने चक्‍क बाटलीतील पेट्रोल त्‍याच्यावर ओतून जीवंत जाळण्याचा प्रयत्‍न केला. ही धक्कादायक घटना पुंडलिकनगर परिसरात मंगळवारी (१७ जून) सायंकाळी पाचला घडली. अंकुश रमेश जाधव (वय ३०, रा. मुकुंदनगर, मुकुंदवाडी परिसर, छत्रपती संभाजीनगर) यांनी या प्रकरणात तक्रार दिली आहे. हॉटेल वाईन बार ॲन्ड […]

छत्रपती संभाजीनगर (सीएससीएन वृत्तसेवा) : वाईन बारच्या मॅनेजरने फुकट दारू देण्यास नकार दिल्याने दारूड्याने चक्‍क बाटलीतील पेट्रोल त्‍याच्यावर ओतून जीवंत जाळण्याचा प्रयत्‍न केला. ही धक्कादायक घटना पुंडलिकनगर परिसरात मंगळवारी (१७ जून) सायंकाळी पाचला घडली.

अंकुश रमेश जाधव (वय ३०, रा. मुकुंदनगर, मुकुंदवाडी परिसर, छत्रपती संभाजीनगर) यांनी या प्रकरणात तक्रार दिली आहे. हॉटेल वाईन बार ॲन्ड रेस्टॉरंट येथे मॅनेजर आहेत. मंगळवारी (१७ जून) दुपारी चारला कामावर असताना बिल्लू राठोड (रा. जय भवानीनगर) हॉटेलवर आला. मला उधार दारू दे, नाहीतर मला पैसे दे, असे म्हणाला. त्यावर जाधव यांनी त्याला नकार दिला. त्यामुळे शिवीगाळ करून तुला बघून घेतो, असे म्हणून हॉटेलमधून निघून गेला. पाचच्या सुमारास परतला, त्यावेळी त्याच्या हातात एका बॉटलमध्ये पेट्रोल होते. तो अचानक जवळ आला. हातातील बॉटलमधील पेट्रोल जाधव यांच्यावर ओतून जाळून ठार मारण्याचा प्रयत्न केला. जाधव यांनी आरडाओरड केल्याने लाेक मदतीला धावून आले. पोलिसांनी बिल्लू राठोडविरुद्ध गुन्हा दाखल केला आहे. अधिक तपास पोलीस उपनिरीक्षक अर्जुन पंडीत करत आहेत.