बालाजीनगर परिसरातून दोन अल्पवयीन मुलींचे अपहरण झाल्याने खळबळ

By City News Desk

On 18 Jun 2025

बालाजीनगर परिसरातून दोन अल्पवयीन मुलींचे अपहरण झाल्याने खळबळ

छत्रपती संभाजीनगर (सीएससीएन वृत्तसेवा) : बालाजीनगर परिसरातील महूनगर आणि न्‍यू बालाजीनगर परिसरातून दोन अल्पवयीन मुलींचे अपहरण झाल्याची घटना समोर आल्याने खळबळ उडाली आहे. आज, १८ जूनला मुलींच्या पालकांनी जवाहरनगर पोलीस ठाण्यात धाव घेऊन अपहरणाची तक्रार दिली. पोलिसांनी अपहरणाचा गुन्हा दाखल करून तातडीने शोध सुरू केला आहे. ४७ वर्षीय व्यक्‍तीने या प्रकरणात तक्रार दिली आहे. ते […]

छत्रपती संभाजीनगर (सीएससीएन वृत्तसेवा) : बालाजीनगर परिसरातील महूनगर आणि न्‍यू बालाजीनगर परिसरातून दोन अल्पवयीन मुलींचे अपहरण झाल्याची घटना समोर आल्याने खळबळ उडाली आहे. आज, १८ जूनला मुलींच्या पालकांनी जवाहरनगर पोलीस ठाण्यात धाव घेऊन अपहरणाची तक्रार दिली. पोलिसांनी अपहरणाचा गुन्हा दाखल करून तातडीने शोध सुरू केला आहे.

४७ वर्षीय व्यक्‍तीने या प्रकरणात तक्रार दिली आहे. ते महूनगरात राहतात. वॉचमन म्हणून काम करतात. सकाळी सहाला ते कामावर गेले, त्यांची पत्नीही सकाळी १० ला कामावर निघून गेली. संध्याकाळी ७ ला पती-पत्‍नी घरी आले असता त्‍यांची १० वीत शिकणारी १४ वर्षांची मुलगी घरात नव्हती. तिने घरातून दोन ड्रेसही नेल्याचे दिसून आले. संध्याकाळी पाचलाच ती काहीएक न सांगता घरातून निघून गेल्याचे मुलाने सांगितले. दाम्‍पत्‍याने मुलीचा शोध सुरू केला असता मुलीच्या वर्गात शिकणारी तिची न्‍यू बालाजीनगरात राहणारी १५ वर्षांची दहावीतच शिकणारी मैत्रीणही घरी नसल्याचे समोर आले. त्‍यामुळे मुलीच्या मैत्रिणीच्या आईने आणि दाम्‍पत्‍याने दोन्ही मुलींचा शोध सुरू केला. रेल्वेस्टेशन, बसस्टँड, नातेवाइक व इतर ठिकाणी शोध घेतला. मात्र त्या मिळून आल्या नाहीत. दोघींना कोणीतरी फूस लावून पळवून नेल्याची खात्री झाल्याने त्‍यांनी जवाहरनगर पोलीस ठाण्यात धाव घेऊन तक्रार दिली. पोलिसांनी मुलींचा शोध सुरू केला आहे. अधिक तपास पोलीस अंमलदार रेवती थोरवडे करत आहेत.