छत्रपती संभाजीनगर (सीएससीएन वृत्तसेवा) : सिडको एन ९ पवननगर येथून १६ वर्षीय मुलीचे अपहरण करण्यात आल्याची घटना आज, २८ एप्रिलला समोर आली आहे. मुलीच्या वडिलांनी सिडको पोलीस ठाण्यात तक्रार दिली आहे. त्‍यावरून पोलिसांनी अपहरणाचा गुन्हा दाखल करून मुलीचा शोध सुरू केला आहे.
तक्रारीनुसार, त्‍यांची मुलगी गव्हर्नमेंट कॉलेजमध्ये ११ वीला शिकते. आज पहाटे तीनला ते कुटुंबासह त्र्यंबकेश्वरहून धार्मिक कार्यक्रम करून घरी परतले. सर्व एकाच रूममध्ये झोपले असताना सकाळी सहाला मुलीची आई झोपेतून उठली असता मुलगी दिसून आली नाही. त्‍यांनी घरात पाहिले, परिसरात शोधले, मात्र मुलगी कुठेच दिसून आली नाही. तिचेतिचे कुणीतरी अपहरण केल्याच्या शक्‍यतेने पोलिसांत तक्रार करण्यात आली आहे. अधिक तपास पोलीस अंमलदार येडूबा तेलुरे करत आहेत.
