छत्रपती संभाजीनगर (सीएससीएन वृत्तसेवा) : निराला बाजार येथील ब्‍लू हॉक ही रेडिमेड कपड्यांची दुकान फोडून चोरट्यांनी २७ हजार रुपयांचे नवे रेडिमेड कपडे आणि गल्ल्यातील २० हजार रुपये, २ नवीन सीसीटीव्ही कॅमेरे, ५ हजारांचा डिव्हीआर आदी साहित्‍य लंपास केले. ही घटना शनिवारी (२६ एप्रिल) सकाळी आठला समोर आली.
दुकानमालक नफीस खान अफीस खान (रा. खोकडपुरा, पैठणगेट) यांनी चोरीची तक्रार क्रांती चौक पोलीस ठाण्यात केली आहे. त्‍यावरून पोलिसांनी चोरट्यांविरुद्ध गुन्हा दाखल केला आहे. तक्रारीनुसरा, खान हे शुक्रवारी रात्री साडेदहाला दुकान बंद करून गेले होते. शनिवारी सकाळी आठला दुकान उघडायला अाले असता शटर खालून उचकटलेले दिसले. याच परिसरातील मोहम्‍मद बिलाल मोहम्‍मद बिजान यांच्या मुंबई फॅशन रेडिमेड कापड दुकानातून जीन्स व शर्टची चोरी झाली आहे. अधिक तपास पोलीस उपनिरीक्षक सुधाकर पाटील करत आहेत.
