उसने पैसे परत मागितल्याने भाऊजीने साल्यावर केले चाकूचे वार, एकतानगरातील घटना

By City News Desk

On 03 Feb 2025

छत्रपती संभाजीनगर (सीएससीएन वृत्तसेवा) : उसने दिलेले पैसे परत मागितल्याने भाऊजीने मारहाण करून चाकूचे वार केले. यात ३२ वर्षीय युवक जखमी झाला. ही घटना हर्सूल परिसरातील एकतानगरात रविवारी (२ फेब्रुवारी) दुपारी एकच्या सुमारास घडली. कमलेश साहेबराव कहाळे (वय ३२, रा. एकतानगर सवेरा पार्कच्या बाजूला) यांनी या प्रकरणात तक्रार दिली आहे. ते लाईटफिटींगचे काम करतात. त्यांची […]

छत्रपती संभाजीनगर (सीएससीएन वृत्तसेवा) : उसने दिलेले पैसे परत मागितल्याने भाऊजीने मारहाण करून चाकूचे वार केले. यात ३२ वर्षीय युवक जखमी झाला. ही घटना हर्सूल परिसरातील एकतानगरात रविवारी (२ फेब्रुवारी) दुपारी एकच्या सुमारास घडली.

कमलेश साहेबराव कहाळे (वय ३२, रा. एकतानगर सवेरा पार्कच्या बाजूला) यांनी या प्रकरणात तक्रार दिली आहे. ते लाईटफिटींगचे काम करतात. त्यांची बहीण अंजली विलास पोलकर घराच्या बाजूला राहते. रविवारी दुपारी एकला ते बहिणीच्या घरी गेले व भाऊजी विलास पोलकर यांना हातउसने दिलेले पैसे मागितले. त्यावर विलास पोलकर व भाच्याने कमलेश यांना शिवीगाळ करून हाताचापटाने मारहाण केली. घराबाहेर काढून दिले. नंतर घराबाहेर येत विलास पोलकर याने कमलेश यांच्यावर चाकूचे वार करून जखमी केले. त्‍यानंतर कमलेश यांनी हर्सूल पोलीस ठाण्यात धाव घेतली. पोलिसांनी मेडीकल मेमो देऊन घाटी रुग्णालयात पाठवले. उपचार घेऊन कमलेश यांनी पुन्हा हर्सूल पोलीस ठाण्यात येऊन तक्रार दिली. त्‍यावरून पोलिसांनी विलास पोलकर यांच्याविरुद्ध गुन्हा दाखल केला आहे. अधिक तपास पोलीस अंमलदार प्रकाश दिवटे करत आहेत.