कॉलेजमध्ये नोट्‌स जमा करायला आलेली मुलगी गायब, वैजापुरातील घटना

By City News Desk

On 03 Feb 2025

कॉलेजमध्ये नोट्‌स जमा करायला आलेली मुलगी गायब, वैजापुरातील घटना

वैजापूर (सीएससीएन वृत्तसेवा) : बारावीत शिकणाऱ्या, १७ वर्षे ११ महिने २९ दिवस वय असलेल्या मुलीचे कॉलेजमधून अपहरण झाल्याची घटना वैजापूर शहरात समोर आली आहे. मुलीच्या वडिलांनी वैजापूर पोलीस ठाण्यात दिलेल्या तक्रारीवरून अज्ञात अपहरणकर्त्याविरुद्ध गुन्हा दाखल करण्यात आला आहे. ही घटना शनिवारी (१ फेब्रुवारी) दुपारी अडीचला समोर आली. अपहृत मुलगी शहरातील एका कॉलेजमध्ये १२ वीत शिकते. […]

वैजापूर (सीएससीएन वृत्तसेवा) : बारावीत शिकणाऱ्या, १७ वर्षे ११ महिने २९ दिवस वय असलेल्या मुलीचे कॉलेजमधून अपहरण झाल्याची घटना वैजापूर शहरात समोर आली आहे. मुलीच्या वडिलांनी वैजापूर पोलीस ठाण्यात दिलेल्या तक्रारीवरून अज्ञात अपहरणकर्त्याविरुद्ध गुन्हा दाखल करण्यात आला आहे. ही घटना शनिवारी (१ फेब्रुवारी) दुपारी अडीचला समोर आली.

अपहृत मुलगी शहरातील एका कॉलेजमध्ये १२ वीत शिकते. तिला कॉलेजला नोट्‌स जमा करायच्या असल्याने वडील दुचाकीवर बसवून कॉलेजला सकाळी पावणेदहाला घेऊन आले. नंतर दुपारी अडीचला तिला परत घ्यायला गेले असता मुलगी दिसली नाही. त्‍यांनी शिक्षकांना विचारले असता त्‍यांनी सांगितले, की तुमची मुलगी सकाळीच कॉलेजमधून गेली आहे. त्‍यानंतर मुलीच्या वडिलांनी तिच्या मैत्रिणी, नातेवाइकांकडे शोध घेतला. मात्र ती मिळून आली नाही. अखेर तिच्या अपहरणाची तक्रार वैजापूर पोलीस ठाण्यात नोंदवली. मुलगी जाताना गुलाबी टॉप आणि काळी जिन्स पँट घालून गेली आहे. अधिक तपास पोलीस निरीक्षक श्यामसुंदर कौठाळे करत आहेत.