छत्रपती संभाजीनगर (सीएससीएन वृत्तसेवा) : पीएच.डी. करणाऱ्या परदेशी विद्यार्थ्याने गाईडवर छळ केल्याचा आरोप केल्याने विद्यापीठ वर्तुळात खळबळ उडाली आहे.
सलाह सालेह अहमद ओबादी असे पीएच.डी. करणाऱ्या परदेशी विद्यार्थ्यांचे नाव असून, तो येमेन देशाचा रहिवासी आहे. तो इंग्रजी विषयात पीएच.डी. करत आहे. त्याला लोकसेवा कॉलेजमधील इंग्रजीचे प्राध्यापक डॉ. शेख परवेज अस्लम मार्गदर्शन करत होते. डॉ. शेख यांनी स्‍पष्टीकरण दिले, की विद्यार्थ्याला सहा महिन्यांपूर्वीच नो ड्यूज दिले असून, त्याच्यासोबत संवाद नाही. त्याने केलेले आरोप निराधार आहेत. विद्यार्थ्याने डॉ. बाबासाहेब आंबेडकर मराठवाडा विद्यापीठ प्रशासनाकडे अनेक तक्रारी केल्या. मात्र, दखल घेतली गेली नाही. त्यामुळे विद्यार्थ्याने पोलीस आयुक्तांकडे धाव घेतली.
